About the office
Mandate and work
Mandate
Ang Tanggapan ng Punong Lungsod ay nangangasiwa at nagpapatupad ng kapangyarihan sa pampublikong administrasyon at mga gawaing sibil ng lungsod. Tinitiyak nito ang pagpapatupad at pagbibigay ng mga kinakailangang utos para sa tapat na pagtupad ng mga umiiral na batas at ordinansa sa loob ng nasasakupan ng lungsod.
Mission
Nilalayon ng Tanggapan ng Punong Lungsod na matiyak ang katatagan at kompetitibong kakayahan ng Pamahalaang Lungsod sa mga aspektong panlipunan, pampulitika, at pangkabuhayan. Ginagawa ito bilang pagtugon sa mga mas malalaking hamon na kinakaharap ng lokal na pamahalaan kaugnay ng ganap na pagpapatupad ng R.A. 7160 at ng pagiging component city nito sa ilalim ng R.A. 9398.
Vision
II. BISYON
Isang maunlad at mapayapang lungsod na inyong maipagmamalaki.
Service pledge
Kami, ang mga opisyal at kawani ng Tanggapan ng Punong Lungsod ng Tayabas, ay taimtim na nanunumpa na maglingkod sa bawat Tayabasin nang may katapatan, integridad, malasakit, propesyonalismo, at kahusayan.
Nangangako kaming:
• Maghatid ng mabilis, mahusay, patas, at magalang na serbisyo sa lahat ng mamamayan nang walang kinikilingan.
• Tiyaking ang bawat transaksyon ay isasagawa alinsunod sa umiiral na mga batas, alituntunin, at pamantayan ng mabuting pamamahala.
• Magbigay ng malinaw, tama, at napapanahong impormasyon sa bawat kliyente.
• Pangalagaan ang tiwala ng publiko sa pamamagitan ng katapatan, pananagutan, at pagiging bukas sa aming mga gawain.
• Makinig at tumugon nang may paggalang, malasakit, at agarang aksyon sa mga hinaing at pangangailangan ng mamamayan.
• Patuloy na pagbutihin ang kalidad ng aming mga serbisyo sa pamamagitan ng inobasyon, pagtutulungan, at patuloy na paglinang ng aming kakayahan bilang mga lingkod-bayan.
• Pairalin ang kultura ng disiplina, paggalang, at dedikasyon sa paglilingkod para sa kapakanan ng bawat Tayabasin.
Tinitiyak naming ang bawat kliyenteng nasa loob ng aming tanggapan bago matapos ang opisyal na oras ng trabaho, kabilang ang oras ng tanghalian, ay maayos na tatanggapin, pakikinggan, at paglilingkuran.
Sa aming bawat gawain, isasabuhay namin ang tunay na diwa ng "Serbisyong May Integridad, Malasakit, at Kahusayan", upang maging katuwang ang bawat Tayabasin sa pagbuo ng isang mas maunlad, mapayapa, at maipagmamalaking Lungsod ng Tayabas.
Citizen’s Charter
Services handled here
Open a service to view requirements, procedures, and transaction guidance.
No published service guides are linked yet.
Please contact the office for available transactions and current requirements.
Also in this sector

