Mayor Piwa Lim Tumanggap ng Token of Appreciation mula sa PNP Regional Training Center 4A
Published by
Tayabas City CICRO

NAGING PANAUHIN NI MAYOR PIWA LIM SA KANYANG TANGGAPAN SI PCOL ROBERTO R ODIVER JR, ang hepe ng Regional Training Center 4A, noong Martes, September 15, 2026.
Personal na iniabot ni PCOL Odiver kay Mayor Piwa Lim ang isang Token of Appreciation bilang pagkilala sa patuloy na suporta at pakikipagtulungan ng Lokal na Pamahalaan ng Lungsod ng Tayabas sa mga programa at inisyatiba ng Philippine National Police, partikular sa mga gawaing may kaugnayan sa pagsasanay, pagpapaunlad ng kakayahan ng mga kapulisan, at pagpapanatili ng kapayapaan at kaayusan sa komunidad.
Nagpasalamat naman si Mayor Piwa Lim sa pagkilalang ipinagkaloob. At muli niyang tiniyak ang suporta ng pamahalaang lungsod sa mga programang naglalayong palakasin ang seguridad, kaalaman, at kahandaan ng mga law enforcement personnel para sa kapakanan ng mga mamamayan.
#LungsodnaInyongMaipagmamalaki
Source: Tayabas City CICRO - City Information and Community Relations Office
Photo report
Scenes from the story







Source
Tayabas City CICRO
