165 Senior Citizens sa Tayabas, Tumanggap ng ₱10,000 Benepisyo sa Ilalim ng Expanded Centenarians Act
Published by
Tayabas City CICRO

165 TAYABASING LOLO AT LOLA, TUMANGGAP NG ₱10,000 BENEPISYO MULA SA NCSC
Isandaan animnapu't limang (165) Tayabasing lolo at lola ang tumanggap ng tig-₱10,000 benepisyo mula sa National Commission of Senior Citizens (NCSC) noong Biyernes, Hulyo 31, 2026.
Ang mga benepisyaryo ay kabilang sa mga kwalipikadong senior citizen sa ilalim ng Republic Act No. 11982 o Expanded Centenarians Act, na nagkakaloob ng ₱10,000 cash gift sa mga nakatatandang may edad na 80, 85, 90, at 95 taong gulang bilang pagkilala sa kanilang mahalagang ambag sa lipunan.
Nakiisa sa pamamahagi ng benepisyo si Mayor Piwa Lim at naghatid ng mensahe ng pagbati at pagpapahalaga sa mga benepisyaryo. Dumalo rin sina Konsehal Jerry Talaga, Konsehal Jerry Caagbay, Konsehal Riza Llaneta, Konsehal Luz Cuadra, at CSWDO Head Irma Ilocario upang makiisa sa programa at personal na batiin ang mga lolo at lolang tumanggap ng nasabing benepisyo.
Ang programa ay bahagi ng patuloy na pagpapatupad ng pambansang pamahalaan sa mga batas at programang naglalayong kilalanin at suportahan ang kapakanan ng mga nakatatandang mamamayan.
#LungsodnaInyongMaipagmamalaki
Source: Tayabas City CICRO - City Information and Community Relations Office
Photo report
Scenes from the story







Source
Tayabas City CICRO




