Tanggapan ni Cong. Mark Enverga, Nakipag-ugnayan sa Pamahalaang Lungsod ng Tayabas
Published by
Tayabas City CICRO

KASABAY NG MAGALANG NA PAGBISITA NI GINOONG ZALDY GARIGUEZ KAY MAYOR PIWA LIM ngayong Lunes, August 10, 2026, ay nakipagpulong na rin ang Chief of Staff ni Quezon 1st District Representative Mark Enverga kina SWDO Irma Ilocario at PESO Manager-Designate Malou Montoya upang talakayin ang mga programang maaaring pagtulungan para sa patuloy na pagpapaunlad ng Lungsod ng Tayabas. Gayundin, ang mga kasalukuyang programa, inisyatiba, at pangangailangan ng kani-kanilang mga tanggapan upang higit pang mapahusay ang paghahatid ng serbisyo publiko sa lungsod.
Ipinahayag naman ni Mayor Piwa Lim ang kanyang pasasalamat sa pagbisita at pakikipag-ugnayan ng Tanggapan ng Kinatawan ng Unang Distrito ng Quezon. Binigyang-diin niya ang kahalagahan ng patuloy na koordinasyon, pagtutulungan, at pagkakaisa ng iba’t ibang sangay ng pamahalaan upang maisakatuparan ang mga programang magdudulot ng positibong pagbabago at patuloy na kaunlaran para sa mga mamamayan ng Lungsod ng Tayabas.
#LungsodnaInyongMaipagmamalaki
Source: Tayabas City CICRO - City Information and Community Relations Office
Photo report
Scenes from the story







Source
Tayabas City CICRO




