𝗙𝗲𝘀𝘁𝗲𝗷𝗼 𝗱𝗲 𝗹𝗼𝘀 𝗔𝗻𝗴𝗲𝗹𝗲𝘀: 𝗧𝘂𝗹𝗼𝘆 𝗮𝗻𝗴 𝗟𝗶𝗽𝗮𝗱, 𝗞𝗮𝗵𝗶𝘁 𝗠𝗮𝘂𝗹𝗮𝗻!

Sa kabila ng ulan at malakas na hangin dulot ng bagyong Nando, higit pitong daang “anghel” ang nagtipon nitong Lunes, Setyembre 22, 2025, upang ipagdiwang ang makulay na 𝘍𝘦𝘴𝘵𝘦𝘫𝘰 𝘥𝘦 𝘭𝘰𝘴 𝘈𝘯𝘨𝘦𝘭𝘦𝘴 sa Tayabas.

Bagaman nagkaroon ng ilang adjustment, matagumpay pa ring naisagawa ang programa sa Silungan Bayan ng Tayabas. Pangunahing tagapagsalita si Mayor Anthony “Piwa” Lim, na naghatid ng inspirasyon at dagdag pa-premyo para sa mga bata. Nagpaabot din ng kanilang pagbati at pasasalamat sina Mr. Koko Pataunia, Supervising Tourism Operations Officer, at si Konsehala Ana Cristina R. Obispo, Chairperson on Committee on Tourism and Culture na ipinabatid ni Ms. Marjorie Rabuel.

Higit namang nagpasigla sa pagdiriwang ang espesyal na pagbisita ni Jollibee, na naghandog ng isang masayang dance number!

Isang patunay na ang tunay na diwa ng Festejo ay hindi napipigil ng ulan o unos, at lalo pang pinagtitibay ating pamayanan!